Reese Witherspoon, ka pohuar se në moshën 16 vjeçare është ngacmuar seksualisht nga një regjisor filmash, por në atë kohë asaj i ishte thënë që të mos fliste.

Aktorja i ka bërë këto pohime gjatë një fjalimi që reflekton mbi problemet me të cilat ballafaqohen gratë në industrinë e filmit, ngjarje e cila u organizuar nga Elle Women në Hollywood, raporton People, transmeton portali arbresh.info

Ajo nuk ka bërë të ditur se për cilin regjisor bëhet fjalë, por ka shtuar se incidenti ishte përvoja e parë e tillë në karrierën e saj.

“Kam përvojat e mia personale dhe e kam shumë të vështirë të flas, e vështirë të mendoj. Gjithashtu e kam shumë të vështirë të komunikoj pa përjetua ankth dhe pa e ndjerë përgjegjësinë e fajit që kam heshtur për gjithë këtë kohë”, tha ajo.

Komentet e saj kanë ardhë në një kohë kur Hollyëoodi është duke u parë si një strehë e ngacmuesve seksualë, të cilat dolën në pah pas skandalit të Harvey Weinstein.

Witherspoon tha se ajo morri guxim të flasë pasi kishte lexuar raportet e aktoreve tjera në lidhje me ngacmimet seksuale.

Harvey Weinstein është akuzuar nga një numër i madh aktoresh për ngacmime seksuale dhe përdhunim.

Akademia e Filmit e ka përjashtuar atë nga bordi pas akuzave të kryera nga shumë aktore.

Akuzat ndaj producentit të njohur kanë hapur një debat të nxehtë në lidhje me ngacmimet seksuale në industrinë e filmit./arbresh.info/